News » विद्यार्थीलाई शिक्षकले गरे पढाउँदा पढाउँदै बलत्कार

रामहरि गजुरेल
नुवाकोट, माघ २७– आफैंले पढाउने ११ वर्षीया नाबालिका विद्यार्थीलाई जबर्जस्ती करणी गर्ने प्रयास गरेको अभियोगमा नुवाकोट प्रहरीले जनकपुरका एक शिक्षकलाई पक्राउ गरेको छ ।

विदुर नगरपालिका वडा नंं ३ स्थित भैरवी उच्च माविमा कार्यरत शिक्षक जनकपुरका राजनारायण यादवलाई प्रहरीले पक्राउ गरी जबर्जस्ती करणी अभियोगमा मुद्दा चलाएको हो । प्रहरीले उनलाई हिरासतमा राखी अनुसन्धान सुरु गरेको छ । ४३ वर्षीय यादवले गत शनिवार दिउँसो ३ बजे सोही ११ वर्षीया बालिकालाई आफ्नो कोठामा पढाउने बहानामा बोलाई अनैतिक कार्य गर्न खोजेको प्रहरीको दाबी रहेको छ । विद्यालय जान नमानेपछि छोरी पढ्न जान नमान्नुको कारण खोजेपछि शिक्षकको यस्तो अनैतिक कार्य खुलेको थियो । बालिकाले विद्यालय खुलेको दिन अभिभावक र शिक्षकसँग शिक्षकले अभद्र र अनैतिक व्यवहार गर्न खोजेको बताएपछि प्रहरीले शिक्षक यादवलाई पक्राउ गरेको जिल्ला प्रहरी कार्यालय नुवाकोटका प्रहरी निरीक्षक ऋषिकुमार ढुंगानाले बताए । 
source: ratopati

कतै छुटाउनु भो कि ? Related Posts: