२०७२ वैशाख ११ गते
अमेरिकामा नेपालीहरु धेरै छन् । अमेरिका जान चाहने धेरै हुन्छन् । त्यसैले त हामी सबैले अमरिका सबैको ड्रिमल्याण्ड हो भन्छौँ । तर, धेरैलाई थाहा नभएको विषय हुनसक्छ– नेपालबाट पनि अमेरिकाको ग्रिनकार्ड लिन सकिन्छ । त्यो भनेको इबी– १ प्रोसेस हो । अर्थात एक्स्ट्राअर्डिनरी । आफूलाई एक्स्ट्राअर्डिनरी प्रमाणित गरेर पनि नेपालबाटै अमेरिकाको ग्रिनकार्ड आवेदन गर्न सकिन्छ । जुन पछिल्ला दिनमा निकै बढेको छ ।
के हो इवी–वान अर्थात एक्स्ट्राअर्डिनरी ?
खासमा इवी–वान रोजगारीमा आधारित भिसा हो । यसलाई उच्चतम श्रेणीको भिसाको रुपमा लिइन्छ । इवी–वानमा सबैले आवेदन गर्न सक्दैनन् । अमेरिकाको कानुनले तोकेको पाँच श्रेणी मध्ये कुनै एउटामा तपाईँले सबैभन्दा माथि आफ्नो नाम राख्नु भएको छ भने मात्र ग्रिनकार्ड पाउन सक्नुहुन्छ । नेपालमै बसेर पनि धेरैले ग्रिनकार्ड पाउन सफल हुनु भएको छ ।


इवी–वानका पाँचवटा क्षेत्र छन् । त्यो भनेको आर्ट, एथलेटिक्स, शिक्षा, विज्ञान र पत्रकारिता हो । यी क्षेत्रमा आफ्नो नाम माथिल्लो श्रेणीमा राख्न सफल हुनुहुन्छ वा राष्ट्रिय तथा अन्तराष्ट्रिय क्षेत्रमा तपाईँले उल्लेखनिय योगदान पु¥याउनु भएको छ भने पक्कै पनि तपाईँले ग्रिन कार्ड पाउनुहुन्छ ।
आर्ट अन्तरगत कलाकार, संगीतकार, गायक, गायिका, नायक, नायिका लगायत पर्दछन् । आर्टबाट तपाईँले ग्रिनकार्ड आवेदन गर्न खोज्नुभएको छ भने यस क्षेत्रमा म सुप्रसिद्ध छु भन्ने कागजातले प्रमाणित गर्न सक्नुपर्दछ । इवी–वानको जुनसुकै क्याटगोरीमा पनि असाधारण प्रतिभाको खोजी हुन्छ ।
यसका प्रक्रिया
ग्रीनकार्ड हात पार्नका लागि निश्चित मापदण्ड भने पूरा गर्नुपर्दछ । विशेषगरी १० वटा मापदण्डहरु तय गरिएको छ, जसमा तीनवटा मात्रै मापदण्ड पूरा गर्न तपाईंले ग्रिनकार्ड पाउनुहुन्छ ।
एउटा मापदण्ड भनेको तपाईंले आफ्नो क्षेत्रमा पाएको राष्ट्रिय तथा अन्तरराष्ट्रिय पुरस्कार हो । अन्तरराष्ट्रिय स्तरबाट प्रदान गरिने चर्चित पुरस्कार भए, एउटै मात्र पनि ग्रिनकार्डका लागि पर्याप्त हुन्छ । सानोतिनो पुरस्कारले भने ‘रिक्वारमेन्ट मिट’ गर्दैन ।
अर्को मापदण्ड भनेको सदस्यता हो । नेपालमा रहेको तर राष्ट्रिय तथा अन्तरराष्ट्रिय रुपमा ख्याति कमाएको संस्थाको सदस्यताले पनि अर्थ राख्छ । त्यसमा लिइने साधारण र आजीवन सदस्यको भने कुनै अर्थ हुँदैन । तपाईँ राष्ट्रिय तथा अन्तराष्ट्रिय व्यक्तित्व भएबापत सम्मान स्वरुप पाएको सदस्यता भनेर प्रमाणित भए मात्र ग्रिनकार्डको भागिदार हुनुहुन्छ । त्यसलाई संस्थाको विनियमले पनि प्रमाणित गर्नुपर्दछ ।
अर्को प्रावधान भनेको तपाईँको कामबारे अरु कसैले लेखेको हुनु पर्दछ । तर त्यो लेख नेपालका प्रमुख पत्रपत्रिकामा छापिएको हुनुपर्दछ । जुन काजगातका आधारमा पनि प्रमाणित हुन जरुरी हुन्छ ।
चौथो भनेको तपाईँ आफ्नो क्षेत्र सम्बन्धी राष्ट्रिय तथा अन्तरराष्ट्रिय प्रतिस्पर्धामा निर्णायक भएको हुनुपर्दछ । सामान्य खालको कार्यक्रमले भने त्यति अर्थ राख्दैन ।
आफ्नो बारेमा मात्र नभएर आफ्नो क्षेत्रसम्बन्धी अनुसन्धान गरी लेख्नुभएको छ र त्यो नेपालको ठूला मिडियामा प्रकाशित भएका छन् भने त्यो पनि अर्को ‘रिक्वायरमेन्ट’मा पर्दछ ।
तपाईँले कुनै संस्थालाई निकै अगाडि बढाउनुभयो, संस्थाबाट पनि तपाईँको ख्याति चुलियो, जसले गर्दा तपाईँको क्षेत्रमा ठूलै ‘रिभोलुसन’ भयो भने तपाईँको ग्रिनकार्ड पाउने अर्को आधार बन्छ ।
तपाईँले कुनै नयाँ टे««नको विकास गर्नुभयो र त्यसले ठूलो हलचल पैदा गरेको छ भने पनि ग्रिनकार्ड आवेदन गर्न सक्नुहुनेछ । मानौँ तपाईँले गायन क्षेत्रमा कुनै नयाँ कुरा विकास गर्नुभयो र तपाईँको नामले मात्र नभएर तपाईँ कामले पनि चिनिनुभएको छ भने ग्रिनकार्ड आवेदन सक्नुहुनेछ । तर, काजगातका आधारमा भने त्यस्ता कुरा प्रमाणित हुनु पर्दछ ।
तपाईंको कामको राष्ट्रि«य तथा अन्तरराष्ट्रियस्तरमा प्रदर्शनी गर्नु भएको छ भने पनि ग्रिनकार्ड लिनका लागि त्यसले मद्दत गर्दछ ।
तपाईँले काम गर्ने क्षेत्रमा तपाईँको तलब सबैको भन्दा बढी छ भने पनि आवेदन गर्ने अर्को आधार बन्न सक्छ । जसलाई उच्च तलब भनिन्छ । त्यो कुरा कर तिर्ने निकायहरुबाट भने प्रमाणित हुनुपर्दछ ।
यी १० वटा मध्ये कुनै तीन वटा आधार प्रमाणित गर्न सक्नुभयो भने तपाईँले ग्रिनकार्ड पाउन सक्नुहुन्छ । तर, जति धेरै ‘रिक्वायरमेन्ट मिट’ गर्यो त्यतिनै तपाईंको आवेदन बलियो बन्छ ।
कति लामो हुन्छ प्रक्रिया ?
हामीले नेपालमै पनि शाखा कार्यालय खोलेका छौँ । जहाँबाट तपाईंले हाम्रो कानुनी सहायता लिन सक्नुहुन्छ । तपाईँले पेस गरेको कागजात हामी अमेरिकाका सम्बन्धित निकायमा पेश गर्छौँ । उसले छिटो प्रक्रिया अपनाउँदा तीन हप्ता भित्र र लामो प्रक्रिया अपनाउँदा चार पाँच महिनामा तपाईंलाई ग्रिनकार्ड दिने वा नदिने भन्नेवारे जानकारी दिन्छ । यदि पाउनुभयो भने तपाईंले करिब ६ महिनाभित्र नेपालमै ग्रिनकार्डको भिसा आउँछ । अनि अमेरिका पुगेर ग्रिनकार्ड पाइन्छ ।
म पनि दश बर्ष अघि अध्ययनको सिलसिलामा अमेरिका गएको थिएँ । डोटीमा जन्मिएँ, काठमाडौँमा उच्च शिक्षा अध्ययन गरेँ । थप अध्ययनका लागि अमेरिका पुगेँ । विगत पाँच वर्षदेखि न्युयोर्कको क्षेत्री ल फर्ममा कार्यरत छु । त्यहाँ नेपाली मात्र नभएर विश्वभरिका आप्रवासीहरुको मुद्दा हामीले हेर्ने गर्छौँ ।
अहिले म केही दिनका लागि न्युयोर्कबाट काठमाडौँ आइपुगेको छु । यसै हप्ता फर्कने कार्यक्रम छ ।source:taja khabar

Apr 24, 2015

११ बैशाख, मलेसिया ।

निको नहुने रोग लागेको भन्दै एक नेपाली युवाले मलेसियामा झुण्डिएर आत्महत्या गरेका छन् ।
मलेसिया आएको चार वर्षपछि आफूलार्इ गम्भीर रोग लागेको भन्दै इलामको सुलुबुङका योगेन बुर्जा मगरले सुसाइड नोट लेखेर सोमबार आत्महत्या गरेका हुन् ।

मलेसियाको बातुपहातस्थित पारी राजामा रहेको हर्ता प्याकेजिङ कम्पनीमा कार्यरत योगेन सोही कम्पनीको होस्टलसँगै रहेको पार्कमा झुन्डिएको अवस्थामा फेला परेका थिए ।

मगरले आत्महत्या गर्नुअघि लेखेको ‘सुसाइड नोट’ मा आफूलार्इ गम्भीर रोग लागेपछि त्यसबाट मुक्ति पाउने विकल्पकारुपमा मृत्यु रोजेको लेखेका छन् ।

कार्टुन बनाउने कम्पनीमा कार्यरत उनले सुसाइड नोटमा आफ्नै कारणले आत्महत्या गरेको जनाएका छन् ।

आफ्नो आत्महत्याबाट परिवार, समाज र साथीभाइमा पर्ने अप्ठ्यारोका लागि उनले माफीसमेत मागेका उनीसँगै काम गर्ने साथी गोरखाका शरद ढकालले जानकारी दिए ।

उनको शव पोस्टमार्टमका लागि बातुपहात अस्पतालमा राखिएको छ । पोस्टमार्टमपछि शव नेपाल पठाउने तयारी थालिएको छ । आजको अन्नपूर्ण पोस्टमा खबर छ ।

११ बैशाख, एजेन्सी ।

बंगलादेशको एक अदालतले युवतीमाथि एसिड हान्ने एक युवकलाई मृत्यु दण्डको सजाय सुनाएको छ । ३ वर्ष अघि एक विद्यालयकी छात्रामाथि तेजाव हान्ने ती युवकलाई बुधबार अदालतले मृत्युदण्ड दिने फैसला गरेको हो ।

युवतीलाई तेजाव हानेपछि पक्राउ परेका अरिफउल इस्लामलार्इ रंगपुर जिल्ला अदालतले मृत्युदण्डको फैसला सुनाएपछि अन्य यस्तै अपराधीलाई समेत मृत्यु दण्ड दिने नजिर बन्न सक्ने अन्तराष्ट्रिय सञ्चार माध्यमले जनाएका छन् ।

भारत, बंगलादेश, पाकिस्तान लगायतका सार्क राष्ट्रमा एसिड हान्ने घटना निरन्तर जस्तै हुने गरेका छन् ।

तर नेपालमा भने पहिलो पटक गत फागुनमा यस्तो घटना भएको थियो । भिडियो हेर्न तलको बाकस थिच्नुहोस

हत्याको अभियोग लागेका एक भारतीलार्इ साउदी अरबमा टाउको काटेर मृत्युदण्ड दिइएको छ ।

साउदी अरबको गृह मन्त्रालयका अनुसार हत्या अभियोग लागेका एक भारतीय नागरिकसहित दुर्इजनाको शिर काटेर मृत्युदण्ड दिइएको पुष्टि गरेको छ ।

सरकारी साउदी प्रेस एजेन्सीबाट सार्वजनिक गृहमन्त्रालयको एक वक्तब्यमा भारतीय नागरिक सजदा अन्सारीले सुतिरहेका आफ्ना साउदी मालिकबाट सम्पत्ति लुट्ने लुट्ने क्रममा हथौडाले हानेर हत्या गरेको अभियोग लागेको थियो ।

साउदीकै अर्का व्यक्ति  मातेर अल-रोभइलीलार्इ पनि उनकी पत्नी र दुर्इ छोराछोरीको हत्या गरेको अभियोगमा साउदी सरकारले बिहीबारै शिर काटेर मृत्युदण्ड दिएको छ ।

स्मार्टफोनबाट सन्देश आदानप्रदानको सुविधा दिँदै आएको चर्चित सेयरिङ साइट ह्वाट्सएपले अव निशुल्क कलिङ सुविधा शुरु गरेको छ ।

ह्वाट्सएपले शुरुवातमा आइफोनबाट यो सुविधा दिने छ । निशुल्क कलिङ सुविधा एण्ड्रोइड फोनमा यस अघि नै शुरु भैसकेको छ ।

यो साइटले अव यस्तै सुविधा दिने स्काइप र फेसटाइम जस्ता साइटलाई चुनौती दिने अनुमान गरिएको छ । ‘फोर्ब्स’ म्यागजिनको रिपोर्ट अनुसार व्हाट्सएपले अव यो सुविधा अनुसार आईफोन उपयोगकर्ताहरुले इन्टरनेट डाटा वा वाइफाइको माध्यमबाट कल गर्न सक्नेछन् ।

आइफोन प्रयोगकर्ताहरुलाई यो सुविधा आगामी साताबाट मिल्ने छ । ह्वाट्सएपले कलिङमा पनि विभिन्न अप्सन सहितको सेवा दिन लागेको छ ।

ह्वाट्सएपका संसारभरी गरेर ८० करोड प्रयोगकर्ता छन् । source nepaliheadlines.

काठमाडौं : काठमाडौंको चाबहिल स्थित गोपिकृष्ण हल नजिकैको एक सुन पसलबाट ३३ लाख रुपैयाँ लुटिएको छ । आज दिउँसो नकाबधारी समुहले सो रकम पसलबाटै लुटेको हो । घटनाको विस्तृत बिवरण आउन बाकीँ छ ।

प्रिय, मित्र
आन्यङ्हासेयो
तिमी आशाका अनगिन्ती विम्ब बोकेर कोरिया आउने लाइनमा छौ।
थ्री डी काम र टु डी सम्मान (डर्टी, डेन्जर, डिफिकल्ट) र (डन्की र डग) बन्नका लागि तिमीले भाषा परीक्षाको आवेदन दियौं। अघिल्लो दिन साँझ ९ बजेदेखि बिहान ११ बजेसम्म लाख रुपैयाँका सपना देख्दै तिमी लाइन बस्यौ। पुरै अन्धकारमा।
र आजभोलि कहिले उदास त कहिले हर्षले भाषा रटान दिएका छौं। मलाई थाहा छ, तिमीले अर्काको भाषा कसरी घोकिरहेका छौ।
समयको गतिशिलतासँगै तिम्रा लाखौं वनका महत्वकांक्षाका लिपी भाडाका भित्ता भित्तामा पोतेका छौ। उठ्दा, बस्दा, खाँदा, हिँड्दा जहाँ पनि तिमी गानादारामावासाआजाछाखाथाफायाआयाअयओयोउऊउईइ.... भनिरहेका छौ।

देशमा प्रवासिने लहर बढिरहेको बेला तिमी पनि काम, दाम र मामको खोजीमा सीमा नाघ्ने सुरमा छौं। राष्ट्र बनाउने दिमागमा सोच र शक्ति भएको तिमी नै यसरी विरक्तिएपछि मुलुकको भविष्य के होला?
मित्र, यतिखेर तिमी सोचिरहेका हौला ‘म एक युवक हुँ। परिवर्तनको उच्च छनक छ म भित्र। जिज्ञासा, चेतनासँगै नयाँ विषयको खोजी र जोखिम मोल्ने शक्ति पनि छ। पहाड फोडेर मैदान बनाउने सामर्थ्य छ। त्यसैलै, जस्तोसुकै जोखिम मोल्न किन नपरोस दक्षिण कोरिया पुग्न ब्यग्र प्रतिक्षामा छु।’
हो, तिमीले देखेका छौ। सुनेका छौ। र कोरियामा डेढ लाख थाप्ने सपना पनि बुनेका छौ। तर ‘रियालिटी’ भोगेका छैनौ। देख्नलाई जति सजिलो छ नी, भोग्नलाई कैयौं गुणा गाह्रो छ।
झट्ट हेर्दा भौतिक जीवन विदेशमा बढी सुविधाजनक देखिन्छ। प्रविधि र विधिले मानव जीवन सरल छ। यहाँ आएपछि तिमीले आर्जन गर्ने धनभन्दा हजारौं गुणा बढी नमिठा अनुभूतिहरू पाउनेछौ। हिनताबोध, ग्लानी, व्यवहारमा अभाव, मनमा अशान्ति, र स्वाभिमानमा चोटै चोट यावत्। यसैबीच तिमीले समय, पैसा र ज्ञानको महत्व भने मज्जाले बुझ्ने छौ।
नेपालमा बस्नेहरूले सीमाना नाघ्नेलाई भाग्यमानी सम्झन्छन्। एक अर्थमा त्यो सहीपनि हो। तर यथार्थमा प्रदेशमा नमीठा अनुभूतिहरू धेरै हुन्छन्। स्वदेशको विधि र व्यवस्थापन निकैनै कमजोर छ। जसले जहाँ जे गरेपनि मनपरितन्त्र छ। नियम–कानुन गरीब–दुःखीका लागि मात्र छ। दैनिक उपभोग्य वस्तुदेखि औषधिसम्म केही शुद्धता छैन।
तर यो अर्थमा त तिमीले जे गर्यौ ठिकै गर्यौ जस्तो लाग्छ। कोरियामा एउटा घेरामा बस्न पाइन्छ। पसिना बगाएर खान पाइन्छ। अनि नयानयाँ प्रविधिसँग साक्षात्कार हुन पाइन्छ।
मित्र, तिमी स्वदेशमा सक्षम छौ।  विदेशमा आएपछि अन्धो अदक्ष बन्छौ। तिमीलाई एउटा काम जान्नको लागि सयौं पटक ‘रिपिट’ गर्नुपर्छ। यहाँका कुनै पनि काम गर्न त्यति सहज छैनन्। दैनिक १० घण्टाभन्दा बढि लगातार कठोर परिश्रम गर्नुपर्छ। सुरुमा भाषा, छिटो–छिटो काम नजान्दाको कष्ट, र मालिकको प्रताडना खप्न निकै गाह्रो हुनेछ। त्यतिबेला मनलाई हलचल नगराउनु नि। नत्र जे पनि हुनसक्छ।
मित्र, यहाँ आउने आशमा तिमी जति खुसी छौ त्यति खुसी नेपालमा बस्ने सायदै होलान्। त्यो परिणामको नतिजा तिमी अवश्य भोग्नेछौ। तिमीले हासिल गरेको ज्ञान र सीप विपरित काम गर्नुपर्दा।
त्रिभुवन विश्वविद्यालयले तिम्रो ज्ञान र चरित्रलाई दिएको डिग्रीको प्रमाणपत्रका प्रतिलिपिहरु बोकेर छाती फुलाइरहेका छौ। तर, यहाँ ती प्रमाणको केही पनि काम छैन।
तिम्रा हरेक म्यासेजका रिप्लाई दिँदा दिँदा थाकेको म अब बढि के भनौं? तिमी पढेका छौं। जानेका छौं। र बुझेका छौं।

देशमा अवसर नपाइने होइन साथी, पाइन्छ। तर, योग्यताका आधारमा नभई व्यक्ति र पूँजीका आधारमा। अहिलेको विधि एवंम जीवन पद्धतिलाई विषाक्त राजनीतिले सर्लक्क निलेको छ। त्यसैले, तिमी स्वदेश छोडेर प्रवासिन आतुर छौ।
तिमी जस्तै अधिकांश युवाहरु सोच्दा होलान्–परदेशमा कमसेकम आफ्नो पसिना बगाएर खान त पाइन्छ। अनि नयाँ ठाउँ र प्रविधिसँग साक्षात्कार हुन पाइन्छ। वर्तमान एवम् भविष्यको सुखद जीवन साथै सन्ततीको सुरक्षित भविष्यको लागि आर्थिक उपार्जन हुन्छ। तर यो रहर नभई बाध्यता र विवशताको कडी हो।
मुलुकमा व्याप्त अन्याय, अत्याचार भष्टाचार, व्यभिचार, कुशासन र अराजक अवस्थाले सचेत वर्गलाई निराश बनाइरहेछ। नैतिक, इमानदार एवं कर्मनिष्ठ मानिस बाँच्नै धौधौ हुने अवस्थाकै कारण दैनिक तिमीजस्तै हजारौं युवा पलायन भइरहेका छन्। इमान, जवान र स्वाभीमानी नागरिकको खडेरी पर्दैछ।
जेजस्तो भएपनि तिमीले यहाँको सीप, मानिसको लगन र समयको महत्व बुझ्नू। अनि यहाँका नागरिकले आफ्नो राष्ट्रको उन्नतीका लागि के–के गरे? राजनीतिककर्मीले मुलुकको विकासको खाका कसरी कोरे?
अन्तमा आफ्नै देशमा ब्यवसाय गर्ने हिसावले शारीरिक एवम् मानसिक रुपले तयार भएर फर्कनू। ताकी जस्तोसुकै कठिनाई पनि सजिलै सामना गर्न सकियोस्।

ठूलो संख्यामा रोजगार उपलब्ध गराउँदै आएको मलेसियाका ५२ कम्पनीलार्इ नेपाली कामदार लैजान प्रतिबन्ध लगाइएको छ । ५२ कम्पनीमाथिको प्रतिबन्धले नेपालको विप्रेषण आप्रवाहमा असर पर्ने देखिएको छ ।

नेपालको मुख्य श्रम गन्तब्यमध्येको एक मलेसियामा पूर्व निर्धारित सहमति अनुसार सेवा सुविधा उपलब्ध नगराएको, शारीरिक तथा मानसिक यातना दिइएको लगायत कारण देखाएर नेपाल सरकारले ती कम्पनीमाथि कामदार लैजान प्रतिबन्ध लगाएको छ ।


गत फागुनको मध्यतिर प्रतिबन्ध लगाइएपछि अहिले मलेसिया जाने कामदारको संख्या र मलेसियाबाट प्राप्त हुने विप्रेषणसमेत घटेको छ । कम्पनीले सच्चिएको तथा नेपाली कामदारमाथि कुनै किसिमको ज्यादति नगर्ने प्रतिवद्धता नदेखाएसम्म उनीहरुमाथिको प्रतिबन्ध खुला गर्न नसकिने वैदेशिक रोजगार विभागका सूचना अधिकारी गम्भीरमान विष्टले बताए ।

नेपालको विप्रेषण आप्रवाहको मुख्य स्रोतका रुपमा वैदेशिक रोजगारमा गएका कामदारलाई लिइने गरिनन्छ । चालु आर्थिक वर्ष २०७१/७२ को फागुनसम्ममा कुल ३ खर्ब ७० अर्ब रुपैयाँ विप्रेषण आप्रवाह भएको नेपाल राष्ट्र बैंकको तथ्याङ्क छ । आजको अभियान दैनिकमा खबर छ ।

लामो र टलटल टल्किने कपालको इच्छा सबैमा हुन्छ । त्यासो भन्दैमा लामो र सलक्क परेको कपाल भैहाल्ने पनि त होइन । तर लामो र चम्किलो कपाल पाउने तपाईको इच्छा सपनामै सिमित रहला जस्तो लागेको छ भने, अव तपाईले चिन्ता लिनु पर्दैन । डिसीनेपाल सँग उचित उपाय छ जसको सहायताबाट तपाईले पाउनुहुनेछ लामो र साइनी कपाल ।


कल्पना गर्नुस्- कपाल झर्ननदिने, कपाल सेतो तथा फुस्रो हुन नदिने र कपाल चाँडै लामो हुने घरेलु प्रबिधि भए कति राम्रो हुने थियो होला । हो यस्तो घरेलु उपचार छ । रातो प्याज प्रयोग गर्नाले तपाईको कपाल झर्ने समस्यामा कमि ल्याउने, कपाल फुर्सो तथा सेतो हुनबाट बचाउने र कपाललाई छिटोछिटो बढ्न सहायोग गर्छ ।

कपाल बढ्ने प्रक्रिया बंशानुगत गुणमा पनि भर पर्छ । तर केही बाह्य र आन्तरिक कारणले पनि कपाललाई लामो हुनबाट छेकबार गरिरहेको हुन्छ । घरेलु उपचार तपाईको कपालका लागि चमत्कार हुनसक्छ किनकी यो प्रबिधि धेरै पहिलादेखी अपनाउदै आइएको छ  र भरपर्दो पनि छ ।

रातो प्याजको झोल तपाईको कपालको लागि अचम्मको ओखती सावित हुन सक्छ र धेरैजसो कलाकारहरु जो आफनो कपाल सुन्दर बनाउन चाहन्छन् उनीहरुका लागि समेत यो प्रबिधि तथा सरदाम अत्यन्तै लाभदायक छ ।

अनुसन्धानले के देखाएको छ भने रातो प्याज प्रयोग गर्नाले ८७ प्रतिशत घटनाहरुमा कपाल झर्ने समस्याबाट सफलता मिलेको छ । यो घरेलु प्रबिधि अपनाउनाले तपाईको कपाल एक महिना भित्रै आकर्षक पाउनु हुनेछ ।

छालारेग बिशेषज्ञहरुका अनुसार प्याज प्रबिधिले कुनै साइड इफेक्ट गर्दैन । रातो प्याजमा सल्फरको मात्रा प्रस्सत हुन्छ जुन कोलाजेन उत्पादनमा अत्यन्तै आवश्यक हुन्छ । कालाजेन कपाल बृद्धीका लागि आवश्यक हुन्छ ।

रातो प्याजको झोलले टाउको तथा खप्पर वरिपरिको रगत संचारमा सुधार ल्याउने काम गर्छ । यसमा रहेको किटाणुनासक गुणले छालालाई सुनिन पनि दिदैन । प्याजको झोलले रौंका प्वालहरुलाई खोल्ने काम गर्छ र कुनैपनि संक्रमणबाट बचाइराख्ने काम गर्छ जसका कारण तपाईको कपाल अति बलियो हुन जान्छ । यो घरेलु उपचार अपनाउन सुरु गरेकोे एक महिनाको अधिमा नै तपाईले अचम्मको परिणाम पाउनुहुनेछ ।

आवश्यक सरदाम:

२-४ प्याजलाई सफा पार्नुस् र गोलो पारेर काट्नुस् । प्याज निचोरेर जुस निकाल्नुस । एक चम्चा महमा प्याजको रस मिसाउनुस् ।

प्रयोग गर्ने तरिका:

मह र प्याजको जुसको मीश्रणलाई हलुंगो तरिकाले टाउको तथा खप्परमा दल्नुहोस् । १५-३० मिनेट सम्म यसलाई केही नगर्नुहोस् । कतिपयलाई यसको गन्ध मननपर्नसक्छ तर यो अत्यन्तै लाभदायक छ । अव नियमित जसरीनै आफनो कपाल पखाल्नुहोस् । सक्नुहुन्छ भने दैनिक गर्नुहोस् नभए आफूले कपाल नुहाउने दिनमा यो प्रक्रिया अपनाउन सक्नु हुन्छ ।

छात्रालार्इ तेजाब हान्ने युवाहरुलार्इ अदालत लगिँदै ।
: छात्रामाथि तेजाब हान्‍ने एक युवालार्इ  बंगलादेशको एक अदालतले मृत्युदण्डको सजाय सुनाएको छ ।

सन् २०१२ मा एक स्कूले छात्रामाथि तेजाब हान्‍ने युवा अरिफउल इस्लामलार्इ स्थानीय रंगपुर जिल्लाको अदालतका न्यायाधीश मन्जुरुल बासिदले बुधबार मृत्युदण्डको सजाय सुनाएका हुन् ।

बीडीन्यूज२४ का अनुसार रंगपुरका जिल्ला न्यायाधीश मन्जुरउल बासिदले तेजाब हान्ने घटनामा दोषी ठहरिएका आरिफउल इस्लामलार्इ मृत्युदण्ड र उनका दुर्इ अलल मिहा र दुलल हुसैनलार्इ जन्मकैदको सजाय सुनाएका हुन् ।

तेजाब हमलाको घटना सन् २०१२ अगस्ट १३ तारिखमा भएको थियो । तेजाबले लागेर ती छात्राले दुबै आँखाको दृष्टि गुमाएकी थिइन् । उनी बंगलादेशको दक्षिणी बाबुखामा बस्दै आएकी थिइन् ।

अदालतले तीनै जना दोषीबाट एक लाखा टका आर्थिक जरिबाना गराउने फैसला पनि सुनाएको छ । सो जरिबाना रकम पीडित छात्रालार्इ प्रदान गरिनेछ ।

यो घटनामा संलग्न भनिएका अन्य अभियुक्तहरु अरेफिन र रसेललार्इ भने अदालतले सफाइ दिएको छ । source a2z khabar

१० बैशाख, महोत्तरी ।मुलुकको अंशबन्डासम्बन्धी कानुनमा छोरीलाई छोरासरह सम्पत्तिको अधिकार दिइएको छ । तर, कानुन कार्यान्वयन नहुँदा अहिलेसम्म विवाह गरेर घर जाने महिलाले माइतीको सम्पत्ति पाउन सकेका छैनन् ।विवाहमा दाइजोका रुपमा नगद, गरगहना, लत्ताकपडा, भाँडाकुँडा नदिएर महोत्तरीका एक एमाओवादी नेताले अंशबन्डाको लालपुर्जासहित छोरीलाई माइतीको अंशियार बनाई अन्माएका छन ।कानुनी रुपमा पाउने जग्गाको अंशियारीस्वरुप एमाओवादी नेता विदुर कार्की र सावित्रा कार्कीले आफ्नी छोरी मनीषा कार्कीलाई विवाहमा लालपुर्जा दिएका हुन् ।

तनहुँ शुक्लागण्डकी नगरपालिकाका अमर भट्टराईसँग प्रगतिशित विवाह गरेकी मनीषाले अंशबन्डास्वरुप १३ कट्ठा खेत र पाँच धुर घडेरीको लालपुर्जा पाएकी हुन् ।गाउँले र जन्ती खचाखच भरिएको बिहे भएपनि बिहेघरमा जग्गे बनेन, बाजागाजा बजेनन्, कन्यादान पनि गरिएन् । आजको नयाँ पत्रिकामा खबर छ ।

विराटनगरस्थित व्यस्त ठाउँमा बेवारिसे महिला मंगलबार मध्यदिउँसोमै बलात्कार हिंसामा परेकी छन् । व्यस्त ठाउँमा बेहोस भएर लडिरहेकी महिलालाई अज्ञात युवकले सबैका अगाडि बलात्कार गरी फरार भएका हुन् ।

विराटनगर उपमहानगरपालिकाको भानुटोलस्थित कलेजरोड किनारमा अन्दाजी ३० वर्षीया मधेसी मूलकी एक महिला बेहोस अवस्थामा लडेकी थिइन् । राजमार्ग किनारमा एक घन्टादेखि लडेकी उनको कसैले सोधखोज गरेको थिएन ।

दिउँसो दुई बजे प्लास्टिक टिप्दै आएका एक युवकले बेहोस अवस्थामा लडिरहेकी ती महिलालाई बलात्कार गरेको स्थानीयले बताए । घटनाका प्रत्यक्षदर्शी केही स्थानीय युवाले बलात्कारी युवालाई लात्ताले हिर्काएर भगाउने प्रयत्न गरेका थिए ।

तर, बलात्कारी युवाले भगाउन आएका युवामाथि ढुंगा हानेर प्रतिकार गरेका थिए । बलात्कार गरेपछि महिलालाई अलपत्र अवस्थामै छाडेर उनी फरार भएका थिए । घटना हेरिरहेका स्थानीयले प्रहरीलाई जानकारी दिएनन् । समाचार संकलनका क्रममा नयाँ पत्रिकाकर्मी गणेश लम्साल र मकालु टेलिभिजन संवाददाता आशिष विश्वकर्माले अलपत्र अवस्थामा लडिरहेकी ती महिलालाई देखेपछि तत्काल प्रहरीलाई खबर गरेका थिए
प्रहरीले बलात्कृत महिलालाई पानी खन्याएर ब्युँझाई अस्पताल लगेको छ । बलात्कृत महिलाको हाल कोसी अञ्चल अस्पतालको इमर्जेन्सी विभागमा अर्धचेत अवस्थामा उपचार भइरहेको छ ।

प्रहरीले बलात्कृत महिलालाई अस्पताल लगेपछि अधिकारकर्मी पनि घटनास्थल पुगेका थिए । महिला अधिकारकर्मीले सोधपुछ गरेपछि उनले विराटनगरकै भएको र बलात्कारमा परेको बताएकी छन् ।
मोरङ प्रहरी प्रवक्ता डिएसपी प्रभुप्रसाद ढकालले भने, ‘महिलाको उद्धार गरेर अस्पताल पुर्‍याएका छौँ । थप अनुसन्धान हुँदै छ ।’ उनले स्थानीयको बयानअनुसार हुलियाअनुसारको व्यक्ति पक्राउ गर्न प्रहरी टोली परिचालन गरिसकिएको जानकारी दिए ।

बेहोस अवस्थामा रहेकी महिलालाई उद्धार गरी अस्पताल लैजाने वडा प्रहरी कार्यालय ‘क’ विराटनगरका इन्स्पेक्टर गोविन्दराज काफ्लेले महिलालाई अज्ञात व्यक्तिले बलात्कार गरेकाले स्थानीयको हुलियाअनुसार खोजी भइरहेको बताए ।

घटनाका प्रत्यक्षदर्शी पवन ठाकुरले बेहोस अवस्थामा लडिरहेकी महिलामाथि युवकले दिउँसै बलात्कार गरिरहेकामा रोक्ने प्रयास गर्दा ढुंगाले प्रतिकार गरेको बताए ।  source taja khabar

१० वैशाख, काठमाडौ । ठूलो संख्यामा रोजगार उपलब्ध गराउँदै आएको मलेसियाका ५२ कम्पनीलार्इ नेपाली कामदार लैजान प्रतिबन्ध लगाइएको छ । ५२ कम्पनीमाथिको प्रतिबन्धले नेपालको विप्रेषण आप्रवाहमा असर पर्ने देखिएको छ ।

नेपालको मुख्य श्रम गन्तब्यमध्येको एक मलेसियामा पूर्व निर्धारित सहमति अनुसार सेवा सुविधा उपलब्ध नगराएको, शारीरिक तथा मानसिक यातना दिइएको लगायत कारण देखाएर नेपाल सरकारले ती कम्पनीमाथि कामदार लैजान प्रतिबन्ध लगाएको अभियान दैनिकमा खबर छ ।
गत फागुनको मध्यतिर प्रतिबन्ध लगाइएपछि अहिले मलेसिया जाने कामदारको संख्या र मलेसियाबाट प्राप्त हुने विप्रेषणसमेत घटेको छ । कम्पनीले सच्चिएको तथा नेपाली कामदारमाथि कुनै किसिमको ज्यादति नगर्ने प्रतिवद्धता नदेखाएसम्म उनीहरुमाथिको प्रतिबन्ध खुला गर्न नसकिने वैदेशिक रोजगार विभागका सूचना अधिकारी गम्भीरमान विष्टले बताए ।
नेपालको विप्रेषण आप्रवाहको मुख्य स्रोतका रुपमा वैदेशिक रोजगारमा गएका कामदारलाई लिइने गरिनन्छ । चालु आर्थिक वर्ष २०७१/७२ को फागुनसम्ममा कुल ३ खर्ब ७० अर्ब रुपैयाँ विप्रेषण आप्रवाह भएको नेपाल राष्ट्र बैंकको तथ्याङ्क छ । source online khabar

काठमाडौं : वैदेशिक रोजगारीमा कामदार नि:शुल्क पठाउनुपर्ने भए पनि सरकार र म्यानपावर व्यवसायीको मिलेमतोमा उनीहरूसँग लिने शुल्क तोकिएको तथ्य पत्ता लागेको छ।

अन्तर्राष्ट्रिय श्रम संगठन (आईएलओ) को प्रावधानअनुसार विदेसिने कामदारसँग कुनै पनि शीर्षकमा रकम असुल्न पाइदैन। रोजगारदाता मुलुकले पनि कामदारसँग कुनै पनि शुल्क लिने गरेका छैनन्।

नेपालले भने कानुनी व्यवस्था गरेरै वैदेशिक रोजगारीमा जाने कामदारसँग पैसा असुल्न छुट दिएको छ। यो अन्तर्राष्ट्रिय कानुनको विपरीत हो। नेपालले आईएलओको प्रावधानको पालना गर्ने प्रतिबद्धता गरेको छ।

कानुन बनाउने बेलामै बद्मासी भएको श्रम तथा रोजगार मन्त्रालयका एक उच्चअधिकारीले बताए। 'कामदारसँग रकम लिनै नपाइने भए पनि सरकारले नै कामदारको लागत खर्च तोकिदिएको छ। यो ठूलो विडम्बना हो,' श्रम तथा राजगार मन्त्रालयका एक उच्चअधिकारीले भने।

वैदेशिक रोजगार ऐन तथा नियमावली बनाउने बेलामा सरकारी कर्मचारी र म्यानपावर व्यवसायीको मिलेमतोमा कामदारसँग पैसा असुल्न पाउने व्यवस्था गरिएकाले अहिले विकराल समस्या उत्पन्न भएको ती अधिकारीले बताए।

पछिल्लो समय बहराइन र कतारले आफ्ना मुलुकले नेपाली कामदार नि:शुल्क लिने गरेको जानकारी गराएपछि नेपाल सरकार नैतिक संकटमा परेको छ।

यी दुईमा मात्र होइन, कुनै पनि मुलुकमा जाने कामदारसँग लागत खर्च भनेर रकम उठाउनै पाइँदैन, वैदेशिक रोजगार विभागका उच्चअधिकारी बताउँछन्। 'सरकारले नै शुल्क तोकिदिएकाले हामीले सार्वजनिकरूपमा भन्न मिलेन,' उनले भने।
रोजगारदाता मुलुकले पनि कामदारसँग कुनै पनि शुल्क लिने गरेका छैनन्। नेपालले भने कानुनी व्यवस्था गरेरै वैदेशिक रोजगारीमा जाने कामदारसँग पैसा असुल्न छुट दिएको छ। यो अन्तर्राष्ट्रिय कानुनको विपरीत हो।
वैदेशिक रोजगार ऐन-२०६४ को दफा २४ मा सेवा शुल्क तथा प्रवद्र्धन खर्चका नाममा म्यानपावर कम्पनीले कामदारसँग रकम असुल्न पाउने व्यवस्था छ। यो दफामा सरकारले नै म्यानपावर कम्पनीले लिने शुल्क र प्रवर्द्धन खर्च निर्धारण गर्नेसमेत प्रावधान राखिएको छ।

ऐनअनुसार कामदारको भिसा र टिकटबापतको लागत नै प्रवद्र्धन खर्च हो। यही दफाको दुरुपयोग गर्दै म्यानपावर कम्पनीले विदेसिने कामदारसँग मोटो रकम असुलिरहेका छन् भने सरकार कानुनमा व्यवस्था भएको भन्दै चुपचाप बस्ने गरेको छ।

नेपालमा यस्तो कानुनी व्यवस्था भए पनि कुनै पनि मुलुकका रोजगारदाताले विदेशी कामदारबाट रकम उठाउँदैनन्। रोजगारदाताले नै टिकट र भिसा नि:शुल्क पठाउने गरेका छन्।

तर,म्कामदार लिने र पठाउने मुलुकका दलाल र यानपावर व्यवसायीले भने टिकट र भिसाबापतको खर्च भनेर जाने कामदारसँग मोटो रकम असुल्दै आएका छन्।

एकातिर सरकारले वैदेशिक रुपमै रकम उठाउने छुट दिएको छ भने अर्कोतिर सरकारले तोकेभन्दा तेब्बर बढी रकम असुलेर म्यानपावर र दलालले जाने व्यक्तिलाई थप शोषण गरेका छन्।

श्रम तथा रोजगार मन्त्रालयका प्रवक्ता बुद्धिबहादुर खड्काले वैदेशिक रोजगारीमा जाने कामदारसँग रकम लिन पाउने वा नपाउने भन्नेबारेमा सरकारले अध्ययन थालेको बताए।

'अन्तर्राष्ट्रिय श्रम संगठनको प्रावधान अनुसार रकम असुल्न पाइदैन। यसबारेमा छिट्टै सरकारले निर्णय गर्नेछ,' उनले भने।

 श्रम तथा रोजगार राज्यमन्त्री टेकबहादुर गुरुङ वैदेशिक रोजगारीमा जाने कामदारसँग रकम लिन नपाइने निर्णय गराउने पक्षमा देखिएका छन्।

सरकारले शुल्क तोक्नु नै गैरकानुनी भएको तथा तोकिएको शुल्कमा समेत कामदार जान नपाएकाले अहिले यो प्रावधान नै खारेजी गर्ने निष्कर्षमा श्रम तथा रोजगार मन्त्रालय पुगेको छ।

मन्त्रालयले म्यानपावर कम्पनीले सेवाशुल्कबापत पाँच हजार हाराहारीमा मात्र शुल्क लिन पाउने गरी नयाँ नियम लागू गर्ने तयारी गरेको छ। अन्तिम निर्णयमा भने पुग्न बाँकी भएकाले मन्त्रालयले जानकारी गराएको छ।

म्यानपावर व्यवसायीले भने हाल तोकिएको शुल्क थप बढाउनुपर्ने माग गर्दैआएका छन्। म्यानपावर कम्पनीबीच अस्वस्थ प्रतिस्पर्धा बढेका कारण एजेन्टलाई पैसा दिएर कोटा ल्याउनुपर्ने बाध्यता रहेको व्यवसायीको दाबी छ।

साेर्स-अन्नपूर्ण पोस्ट् -

घटाना नोभेम्बर १६ तारिकमा भएको , रातीभरी घर मालिक्नीले लौरै-लौराले शिर देखि पाउ सम्मकुटेर दारी फल्ने मिसिनले जथाभावी चिरे पछि आफु बेहोस भएको र होश आउँदा दूतावास लगेर छोडीदीने भन्दै गाडीमा हालेर महाबुल्ला साइडको समुन्द्री किनारमा छोडेर गएको बताउछीन गंगाश्वरी राइ भने उनलाइ यो अबस्था सम्म पुर्याउने कुवेतका एजेन्ट चुडामणी भट्टराई पटक-पटक सम्पर्क गर्दा पनि संपर्क हुन सकेको छैन /
"यस घटना सगै नेपाली म्यनपावर खोलेर बसेका एजेन्टहरुको जालोंमा कसरी फस्न बाध्य छन घरेलुकामदारको रुपमा खाडी आउने महीलादीदीबहीनीहरु भन्ने कुराको पनी पर्दाफ़ाश भएको छ जनु यस प्रकार छ"पहिला ३ बर्ष कुवेत बसेर एम्नेस्टी खुल्दा दुताबास मार्फत फिङर प्रिन्ट गरेर नेपाल गएकी गंगाश्वरी नेपालका मुख्यएजेन्ट–राजकुमारी राई फोन नं. ९८०९०२०९७० र सहायकएजेन्ट–काशथापा ९८१८०६४९११ मार्फत कुवेत आएकी हुन भने कुवेतका लागि चुडा मणी भट्टराई उनको एजेन्ट रहेको बताउने गंगाश्वरीले भक्कनिदै आफ्नो काहानी यसरी सुनाउछीन /
जिबनमा अत्प्रत्यासित आरोह-अबरोह खेप्ने क्रमामा १५ बर्ष अघी क्यान्सर रोग बाट श्रीमानको मृत्युत भए पछी साना-साना २ छोरीहरु हुर्काउने क्रममा कुवेतको मरुभुमीलाई दोश्रो पटक कर्म थालो बनाएकी गंगाश्वरीकी छोरीहरु कक्षा-१० र १२ मा पढ्दैछ् हो उनीहरु कै भबीष्यको लागी फेरी कुवेत आएको २२ दिनमानै भिषा लागाग्ने भन्ने थाहा भए पछी यदी भिषानलाग्ने भए नेपाल फर्कन्छु भन्दा एजेन्टले मेरो पैसा फसेको छ,मेरो पैसा नतिरी जान पाउँदैनौ,भिषा लगाउन नमिल्ने भएकाले घुम्ति रुपमा १-१ घरमा पठाउने एजेन्टको कवुलियत थियो।
शुरुमा ७० केडी दिने र ६ महिना पछि १०० केडी तलबदिने कवुल मौखिक रुपमा गरेको उनले बताइन।त्यसपछि ५ महिना एजेन्ट चुडामडि भट्टराइको कोठामा नै ५ महिना बिनातलब बसेको र पछि २-३ जना कुवेतीको मा १ महिना, डेढ महिना र ६ महिनाकाम गरेकोमा एजेन्टले ३ महिनाको मात्रै तलब नेपाल घरमा पठाइदिएको र बाँकी तलब नपाएको उनले बताइन ८ महिना अगाडि फरवानियामा हाल कुटपिट गरेको घरमा पठाएको बताउदै त्यस घरमा गएपछि आफुसँग भएको फोन खोसिदिएकाले कतै कसैसँग सम्पर्क गर्न नपाएको तथा काम गर्न गएको घरमा बाबु आमा र ४ छोराछोरी सहित ६ जनाको परिवार रहेको उनले बताइन।
सबैभन्दा ठुलो १० वर्षको र सबै भन्दा सानो ६ महिनाको बच्चा रहेको घरमा कुवेती बाहिर जाँदा सँधै बाहिरबाट ढोकामा चाविलगाएर जाने भएकोले भाग्न पनि नसकेको उनको कथन छ।यसै बिच तलब नपाएकाले तलब माग्दा मारिदिने धम्की दिँदै कुटपिट गर्ने गरेको उनले रुदै बताइन ।
नयाँ नेपाल क्लबका दिल पुनको सहयोगमा नेपाली दुताबासमा पुगेकी गंगाश्वरी राइले भनिन,मलाई विदेश जान्न भन्दा पनि तिमीसँग पैसा लिदैनौ भनि फकाएर नेपालबाट पठाउने एजेन्टलाई कडा भन्दा कडा कारवाहीहोस भन्ने चाहन्छु साथै म कुवेत आएपछि भिषा नलाग्ने भए नेपाल जान्छु भन्दा नेपाल जान नदिई मलाई इलिगलबनाई काममा लगाउने र कामगर्न गएको ठाउँमा शारीरिक यातना दिएर आजमलाई मरणासन्न अबस्थामा पुग्ने अबस्थाको बनाउने कुवेतको एजेन्टबाट मैले २ वर्ष भित्रमा पाउनु पर्ने तलब र उपचार खर्चको माग सहित म जस्ता कयौ दीदीबहीनीहरुलाइललाइफकाई विदेश ल्याएर शारीरिक, मानसिक, श्रमिकशोषण गर्ने यस्ता ब्वाँसाहरुलाई कडा भन्दा कडा सजायँको माग गर्दछु।
उनले २०१४ नोभेम्बर १६ बेलुका नया नेपाल क्लब कुवेतका दिल पुन,नेपालमजदुर संघ कुवेतका नवराज पराजुली, नब प्रतिभा युवा क्लबका दिनेश मल्लको नेतृत्वको प्रतिनिधि मण्डल र कोसेली न्युजका आनन्द आचार्य सबै सामु रुदै आफुलाई यस्तो अवस्थामा पुर्याउने उपर संबन्धित निकायको सहयोगमा करबाही र क्षतिपुर्तीको माग गरेकी हुन । यसै घटनाको बारेमा बोल्दै कुवेतकी नव नियुक्त श्रम-सहचारी गोमा ढकालले आफुहरुले पिडित र उनले पाउने क्षतिपुर्ती तथा न्यायको बारेमा आन्तरिक छलफल गरिरहेको र पीडितले न्याय पाउने बताउदै आबस्यक परे कुवेतका सम्पूर्ण संघ-संस्थाका प्रतिनिधिहरु संग छलफल गरिने बताएकी छीन ।
यता यस्तै श्रम शोषणमा परेका नेपाली महिला कामदारहरुको उद्दारमा लागेको र पीडित गंगाश्वरी राइको उद्दारको लागि नेपाली दुताबास सम्म पुर्याउन सहयोग गर्ने नब प्रतिभा क्लब कुवेतका अध्यक्ष दिनेश मल्लले परदेशी खबर मार्फत सम्पूर्ण कुवेतमा रहेका नेपाली संघ-संस्था र त्यसका प्रतिनिधिहरु, बुद्दिजिबी, पत्रकार र समाजका अगुवहरुलाई पीडितले सके सम्म छिटो न्याय पाउन सक्ने बाताबरण बनाउन नेपाली दुताबास संग सहकार्य गर्दै सबैलाई दुताबासमै बैठक र छलफलका लागि पीडित र पिडक दुबैलाई एकै ठाउँमा ल्याउने बातावरण बनाउन अनुरोध गरेका छन । source taja khabar 

कुविक एनपी न्युज ९ वैशाख, सिद्धार्थनगर : संसारलाई थाहा छ, ‘कपिलवस्तु’ गौतम वुद्धको जन्मस्थल हो, जुन नेपालमा पर्छ । ‘कपिलवस्तु’ नेपालका ७५ जिल्लामध्ये एक भएकाले यो नेपालको आफ्नै ब्राण्ड पनि हो । तर, भारतले आफ्नै भूमिमा गौतम बुद्धका पिताको दरबार रहेको दाबी गर्दै ‘कपिलवस्तु’को नाम दुरुपयोग गर्दा पनि नेपाल सरकार अहिलेसम्म मौन छ ।

भारतले ‘कपिलवस्तु’को नाम दुरुपयोग गरेकोमा लुम्बिनी विकास कोषका अधिकारी एवं पुरातत्वविद्हरु सन्तुष्ट छैनन् । यसैवीच भारतले लुम्बिनी र कपिलवस्तुको गरिमालाई आफ्नो मुलुकतिर तान्नका लागि केके गरिरहेको रहेछ भन्ने रिपोर्ट तथा महत्वपूर्ण तस्वीरहरु अनलाइनखबरले फेला पारेको छ । भारतले आफ्नो भूमिमा बनाएको संग्रहालयको नामै ‘कपिलवस्तु संग्रहालय’ राखेको छ । भारतीय प्रधानमन्त्री नरेन्द्र मोदीले लोकसभाको चुनावका बेलामा समेत बुद्धको जन्म बिहारमा भएको बताएका थिए । नेपालमा आएका बेला बुद्ध जन्मेको देश भने पनि मोदीले युरोप भ्रमणमा बुद्धबारे विवदास्पद अभिव्यक्ति दिँदै आएका छन् ।
यसैक्रममा भारत सरकारले लुम्बिनी नजिकै आफ्नो भूमिमा धमाधम नक्कली ‘कपिलवस्तु’ बनाएर बुद्ध भारतमा जन्मेको प्रमाणित गर्न खोजेको छ । भारतीयहरुले बुद्धको अष्ट धातुसमेत आफ्नै भूमिमा फेला परेको भन्दै ‘कपिलवस्तु संग्रहालय’मा अष्ठधातुका घडासमेत राखेको छ । जबकि नेपालका पुरातत्वविदहरु बुद्धको अष्टधातु भारतमा नभई नवलपरासीको रामग्राममा रहेको बताउँछन् । भारत सरकारले संसारभरिका पर्यटकलाई आफ्नो देशमा तान्ने रणनीति अनुरुप भारतमा ‘नक्कली कपिलवस्तु’ बनाएको लुम्बिनी विकासकोषका अधिकारीहरुको गुनासो छ । शान्तिका अग्रदुत गौतम बुद्धको जन्मस्थल लुम्बिनी, तिलौराकोट आउने पर्यटकलाई आफ्नो देशतिर तान्ने भारतीय रणनीति धमाधम कार्यान्वयनमा आइरहेको छ ।
गौतम बुद्धले सर्वसाधारणलाई उपदेश दिने स्थान जुन मुख्य स्तुपाको उत्तर तर्फ बनाइएको छ । त्यस्तै स्तुपाको उत्तरतर्फ गौतम बुद्धले सर्वसाधरणलाई उपदेश दिने भवन रहेको बताइन्छ भने दक्षिणतर्फ बुद्धले ध्यान गर्ने भवन रहेको बताइएको छ । विदेशी पर्यटकको आवागमन उक्त स्थानमा घुमफिर गर्नका लागि विभिन्न मुलुकबाट पर्यटकहरु आउने गरेका छन् । चीन, श्रीलंका, क्याम्बोडिया, थाइल्याण्ड लगायतका देशबाट पर्यटकहरु आउने गरेको भारतीय बताउँछन् । स्तुपाभित्र ३ वटा भाँडामा बुद्धको ‘अष्टधातु’ राखिएको बताइएको छ । तीनमध्ये एउटा भाँडाको अष्टधातु भारतको कोलकाता लगेर राखिएको र बाँकी २ भाँडामा रहेको अष्टधातु पूजापाठ गर्नका लागि स्तुपाभित्रै राखिएको स्तुपा नजिकै भेटिएका एक बौद्ध भिक्षुले अनलाइनखबरलाई बताए । उक्त बुद्धको अष्टधातु फेला परेको स्थानमा जानुअघि नै मुख्य गेटमा ठूलो अक्षरमा ‘कपिलवस्तु’ भनेर लेखिएको छ । तर, उक्त स्थानको बजार क्षेत्रमा भने सो स्थानको नाम कपिलवस्तु हो भनेर कतै उल्लेख छैन । करिब २० मिटर तलतिर रहेको भारतीय प्रहरी चौकीमा समेत अलिगडवा प्रहरी चौकी लेखिएको छ भने माथितिर पिपराहावा भन्ने स्थान रहेको छ । प्राचीन कपिलवस्तु राज्यको सीमाभन्दा पूर्वतर्फ रुपन्देहीको रोहिणी नदीसम्म थियो भने पश्चिमतर्फ भालुवाङस्थित राप्ती नदीसम्म रहेको थियो । त्यस्तै उत्तरतर्फ रुपन्देहीको चुरे इलाकासम्म थियो भने दक्षिणको पावा कुशीनगरसम्म फैलिएको थियो । बुद्धको बुवा शुद्धोधनको नक्कली दरबार ।
यो भारतले पिपरहवामा बनाएको छ । बुद्धको बुवा शुद्धोधनको नक्कली दरबार । यो भारतले पिपरहवामा बनाएको छ । बुद्धको बुवा शुद्धोधनको नक्कली दरबार हुन त भारतको पिपराहावा नामक स्थान प्राचीन कपिलवस्तु राज्यको सीमा क्षेत्रभित्रै पर्थ्यो । तर, प्राचीन कपिलवस्तुको राजधानी भने नेपालको तिलौराकोटमै रहेको अर्थात बुद्धका बुबाको दरबार पनि नेपालको कपिलवस्तु जिल्लाको तिलौराकोटमै रहेको विभिन्न अध्यनन, अनुसन्धानबाट पुष्टि भइसकेको लुम्बिनी विकास कोषका पुरातत्वविद कृष्ण केसीले अनलाइनखबरलाई बताए भारतको पिपराहावामा रहेको दरबार हेर्दा दरबारमा हुने पूर्वाधारहरु (प्रसाशनिक, सैनिक लगायतका भवन) नै छैनन् भन्दै पुरातत्वविद केसीले अनलाइनखबरसँग भने- ‘भारतले बुद्धका बुबाको दरबार आफ्नो देशमा रहेको जति दाबी गरे पनि बुद्धका बुबाको दरबार नेपालको कपिलवस्तु जिल्लास्थित तिलौराकोटमा रहेको विभिन्न अध्यनन, अनुसन्धानबाट पुष्टि भइसकेको छ केसीले भने-‘सन् १९७५ मा भारतीय पुरातत्वविद केएम श्रीवास्तवले धर्मदुत पत्रिकामा ‘लस्ट सिटी अफ कपिलवस्तु फाउन्ड’ भनेर एक आलेख लेखेका थिए । तर, सन् १८९९ भारतकै पुरात्तवविद पीसी मुर्खजीले प्राचीन कपिलवस्तुको राजधानी नेपालको तिलौराकोटमा नै रहेको रिपोर्ट प्रस्तुत गरिसकेका थिए ।  गौतम बुद्धका बुबा दरबार भारतको सिद्धार्थनगर जिल्लास्थित पिपराहावामा रहेको अर्थात नक्कली कपिलवस्तु रहेको भन्दै भारत सरकारले लुम्बिनी, तिलौराकोट आउने पर्यटकलाई भ्रममा पार्न खोजेको लुम्बिनी विकास कोषका कार्यवाहक उपाध्यक्ष ओमप्रकाश अर्यालले बताउँछन् । ‘गौतम बुद्धले भारतमा ज्ञान प्राप्त गरेका हुन्, उनको मृत्यु पनि भारतमै भएको हो, बुद्धसँग सम्बन्धित कतिपय पुरातात्विक वस्तुहरु भारतमा पनि छन् त्यो हामी इमान्दारितापूर्वक भन्छौँ,’ लुम्बिनी विकास कोषका कार्यवाहक उपाध्यक्ष अर्यालले अनलाइनखबरसँग भने- ‘तर, गौतम बुद्ध जन्मिएको लुम्बिनीमै हो, उहाँका बुबाको दरबार कपिलवस्तुको तिलौराकोटमै हो, यो सबै दिउँसोको घामझैं छर्लङ्ग छ, तर भारतले केटाकेटी पारामा ‘कपिलवस्तुको’ नाम दुरुपयोग गरेर भ्रम फैलाउन खोजिरहेको छ ।’ भारतले पिपराहावामा गौतम बुद्धको अष्टधातु समेत रहेको दावी गरे पनि कोषका कार्यवाहक उपाध्यक्ष अर्यालले त्यसलाई अस्वीकार गरे । उनले गौतम बुद्धको अष्टधातु नवलपरासी जिल्लाको रामग्राममा रहेको विभिन्न अध्यनन अनुसन्धानबाट पुष्टि भइसकेको बताए । ‘गौतम बुद्ध नेपालमा जन्मिएकोबारे भारतले राम्ररी बुझेको छ,’ अर्यालले अनलाइनखबरसँग भने, तैपनि भारतले गौतम बुद्ध आफ्नै देशमा जन्मिएको भनेर भ्रम पार्न ‘कपिलवस्तु’ आफ्नै देशमा बनाउने प्रयत्न गरेको हो ।’ कपिलवस्तुको तिलौराकोटमा रहेको गौतम बुद्धको बुबाको दरबार युनेस्कोले समेत उत्खनन् गर्दा तिलौराकोटमै रहेको पुष्टि भइसकेको अर्यालले बताए ।स्रोत :अनलाइन खबर

९ बैशाख, जाकार्ता ।

प्रधानमन्त्री सुशील कोइरालाले बाङ्डुङ सम्मेलनका सिद्धान्त नेपालको परराष्ट्र नीतिका आधारस्तम्भ भएका बताउँदै सन् २०१५ अन्तर्राष्ट्रिय सहयोग, शान्ति, सुरक्षा र विकासका लागि भावी दिशा निर्धारण गर्न महत्वपूर्ण हुने विश्वास व्यक्त गरेका छन् ।


एसियाली–अफ्रिकी सम्मेलनलाई सम्बोधन गर्दै उनले नेपालका सुपुत्र गौतम बुद्धका शिक्षाबाट प्रेरित भई प्रतिपादन भएका बाङ्डुङ सम्मेलनका सिद्धान्तले अन्तरदेशीय सामञ्जस्यपूर्ण सम्बन्ध सञ्चालनको खाका उपलब्ध गराएको स्मरण गरे । उनले सम्मेलनको संस्थापक सदस्य नेपालले त्यसका शाश्वत सिद्धान्तलाई निष्ठापूर्वक पालना गरिरहेको बताए ।

बितेका ६० वर्षमा विश्वले पद्धतिगत रुपान्तरणका साथै जलवायु परिवर्तन, आतङ्कवाद, अन्तर्देशीय सङ्गठित अपराधजस्ता विशाल एवम् गम्भीर चुनौती भोगेको बताउँदै प्रधानमन्त्री कोइरालाले तिनका अलावा शस्त्रास्त्रको विवेकहीन होडबाजीमा अमूल्य स्रोत र समय खर्च भएको वास्तविकता औँल्याए ।

उनले भने–“यस्तो पृष्ठभूमिमा आधारभूत आवश्यकताका लागि जनता याचना गरिरहेका छन् ।” विश्वले झेल्नुपरेका चुनौतीको सामना गर्नु अहिलेको आवश्यकता भएको उनको कथन थियो । गरिब जनतामा विकासको प्रतिफल पु¥याउन स्रोत र साधनलाई पूर्णरुपमा परिचालन गर्दै परिवर्तन आत्मसात् गर्नु समयको माग भएको प्रधानमन्त्रीको आशय थियो ।

सन् २००५ मा स्थापना भएको एसियाली–अफ्रिकी रणनीतिक साझेदारीले शान्ति, समृद्धि र प्रगतिका निम्ति सहकार्य गर्ने हाम्रो प्रतिबद्धता प्रतिबिम्बित हुन्छ भन्दै उनले गरिबी तथा भोकमरी घटाउने, आफ्ना जनताको सम्मानपूर्वक जीवनयापन गर्ने अधिकार सुनिश्चित गर्नु चुनौतीपूर्ण रहेको बताए । “हामीले हाम्रो एकता, ऐक्यबद्धता र सहयोगात्मक सहकार्यलाई सुदृढ तुल्याउनुपर्छ”– विश्वले सामना गरेका गरिबी र भोकमरीजस्ता चुनौतीबाट पार पाउने उपाय सुझाउँदै प्रधानमन्त्रीले भने ।

अन्तर्राष्ट्रिय सहयोग, शान्ति, सुरक्षा र विकासका लागि भावी दिशा निर्धारण गर्न यो वर्ष महत्वपूर्ण रहेको बताउँदै प्रधानमन्त्रीले भने–“सन् २०१५ मा संयुक्त राष्ट्रसङ्घको ७०औँ वार्षिकोत्सव, वाङडुङ सम्मेलनको ६०औँ वार्षिकोत्सव, सन् २०१५ पछिका विकासका कार्यसूचीलाई अन्तिम रुप दिने तथा जलवायु परिवर्तनसम्बन्धी विषयमा सहमति गर्ने अवसरसमेत भएकाले यसलाई सुखद संयोग मान्नुपर्छ ।



साझा समझदारी कायम गर्ने, सबै पक्षलाई लाभ हुने अवस्थाको सिर्जना, न्यायपूर्ण, समावेशी, निष्पक्ष एवम् लोकतान्त्रिक प्रणालीतर्फ विश्वलाई उन्मुख गराउने सामूहिक स्वार्थ प्राप्तिका लागि सन् २०१५ का ती युगान्तकारी परिघटनाले अकल्पनीय अवसर प्रदान गरेका प्रधानमन्त्रीको कथन थियो ।

लोकतन्त्र, विधिको शासन, मानवअधिकार रक्षा तथा प्रवद्र्धन, नेपालको राजनीतिक प्रक्रियाको अभिन्न अङ्ग भएको बताउँदै उहाँले संविधानसभाबाटै समावेशी, लोकतान्त्रिक संविधान जारी गर्नु पहिलो प्राथमिकता भएको स्पष्ट गरे । उनले भने–“देशमा दिगो शान्ति र स्थायित्व कायम गर्न तथा लोकतन्त्रका उपलब्धिलाई संस्थागत गर्न संविधानसभाबाटै संविधान जारी गर्नुपर्छ ।” विकासका लागि लोकतन्त्र अपरिहार्यतामा नेपालको दृढ विश्वास प्रधानमन्त्रीले व्यक्त गरे ।

नेपाल प्राकृतिक सम्पदा र मानव संसाधनले भरिपूर्ण रहेको जानकारी दिँदै उनले भारत र चीनबीचको अवस्थितिले आफ्नो मुलुकलाई आर्थिक वृद्धि तथा विकासका लागि अभूतपूर्व अवसर प्रदान गरेको बताए ।

नेपालले लगानीका निम्ति आकर्षक अवसर उपलब्ध गराएको जानकारी पनि प्रधानमन्त्रीले दिए ।

प्राचीन एवम् स्रोतसाधनयुक्त एसिया र अफ्रिका विविधता र बृहत् समानता भएका महादेश हुन् भन्दै उहाँले आर्थिक गतिविधि तथा शक्ति सन्तुलन दक्षिणतर्फ बढिरहेका बेला यी दुवै महादेशप्रति विश्वको ध्यानाकृष्ट भएको बताए । शान्ति, सुरक्षा र विकासका लागि कार्ययोजना बनाउन वैधानिक भूमिका निर्वाह गर्ने बेला आएको बताउँदै प्रधानमन्त्रीले त्यस निम्ति सहकार्य गर्ने हाम्रो चाहना र क्षमता प्रदर्शन गर्नुपर्नेमा जोड दिए ।

प्रधानमन्त्रीले शान्ति एवम् न्यायपूर्ण विश्व व्यवस्था कायम गर्ने प्रयासमा एसियाली–अफ्रिकी नेताहरूको दूरदृष्टि तथा समर्पणको सम्झनामा इन्डोनेसियाले महत्वपूर्ण सम्मेलन आयोजना गरेर संस्थापक पूर्वजहरूप्रति श्रद्धाञ्जली अर्पण गर्दै आयोजक मुलुकप्रति आभार व्यक्त गरे ।

सम्बोधनको अन्त्यमा प्रधानमन्त्रीले प्यालेस्टिनी जनताका पक्षमा नेपालको ऐक्यबद्धता प्रकट गरे । उनले आफ्ना जनता तथा विश्वमा शान्ति र समृद्धि प्रवद्र्धन गर्न सम्मेलनले महत्वपूर्ण योगदान पु¥याउने विश्वास व्यक्त गरे । प्रधानमन्त्री कोइरालाले नेपाली जनता र सरकारका तर्फबाट सम्मेलनको सफलताको कामना पनि गरे । रासस

बुधबार, बैशाख ९,
 मंगलबार बिहान सवारी दुर्घटनामा एक सर्वसाधरण दीपकराज गिरीको निधन भएको खबरलाई सञ्चारमाध्यमहरुले ‘दीपकराज गिरीको निधन’ भन्ने शिर्षक राखेर छापेपछि धेरैले हास्यकलाकार दीपकराज गिरीको निधन भएको सम्झिए । कतिले उनलाई फोन नै गरे । धेरैले समाचारका बारेका बिभिन्न टिक्का टिप्पणी गरे । हास्यकलाकार गिरीले पनि उक्त समाचारको खण्डन गरेका छन् । उनले आफ्नो फेसबुक पेजमा स्टाटस लेखेर सो समाचारको खण्डन गरेका हुन । उनले ‘म मरे रे हो’ भनेर प्रश्न गरेका छन् ।

उनले लेखेका छन् ‘हिजो अचानक म मरे.......... फोन पनि आयो ? हलो तपाइनै बोल्नु भाको हो ? “हो म नबोलेर को बोल्छ त ? शहरमा म मरेको समाचार फैलिएछ, आफै मरेको खÞबर सुन्न पाउने थोरै भाग्यमानी ब्यक्तिमा परें ।’

उनले अझै भ्रममा रहेर दुःख मनाउँदै गरेका आफ्ना फ्यानलाई तथा शुभचिन्तकहरू लाई आफू जिउँदै रहेको जानकारी गराएका छन् । भिडियो हेर्न तलको बाकस थिच्नुहोस