कुन् कुन् देशका जनता सबैभन्दा मायालु ?
पेरिसलाई विश्वको रोमान्सको राजधानी भनिन्छ । तर प्रेम र खुसीको हिसाबले विश्वमा कुन देशका जनता एक नम्बरमा होलान् ? एक अध्ययनले प्रेम र खुसीको मामिलामा स्पेन सबैभन्दा अगाडि रहेको देखाएको छ ।
स्पेनीहरुले भाइबरमार्फत सबैभन्दा धेरै प्रेम सम्बन्धि सन्देश पठाउने गरेका छन् । भाइबरमा प्रेम सन्देश पठाउने मामिलामा स्पेनिस पछाडि फ्रेन्चहरु दोश्रो स्थानमा रहेका छन् । इटालियनहरु तेश्रो र जापानीहरु चौथो स्थानमा रहेको देखिएको छ ।
भाइबरका अनुसार गएको वर्ष सन् २०१४ मा स्पेनिसहरुले प्रेमसँग सम्बन्धित स्टिकरहरु भाइबरमार्फत सबैभन्दा धेरै पठाए । यस्ता स्टिकरमध्ये चुम्बन गरिरहेका जोडीको स्टिकर सबैभन्दा धेरै लोकपि्रय बन्यो ।
