"नेपाली युवती अफ्रिकाका डान्सबार पुर्याउने गिरोह पक्राउ (गिरोहको सञ्जाल कस्तो थियो हेर्नुहोस् तस्बिर )
काठमाण्डु, ३ चैत– नेपाली युवतीहरूलाई अफ्रिका र केही एसियाली मुलुकका डान्सबारमा बिक्री गर्ने सात भारतीयसहित केही नेपालीलाई नेपाल प्रहरीको केन्द्रीय अनुसन्धान व्यूरोले पक्राउ गरी सार्वजनिक गरेको छ ।
पक्राउ पर्नेमा ललितपुर इमाडोलका ३४ वर्षीय राजन भनिने राजेन्द्र सुवेदी खत्री, काठमाण्डु–७, वटुका ३७ वर्षीय सविन श्रेष्ठ भनिने सविन राजा मानन्धर, भारत नयाँ दिल्लीका २७ वर्षीय तरुण रोजना खनगवाल छन् । व्यूरोले पक्राउ गरेका अन्यमा काठमाण्डु इचङ्गु– ६ का ३२ वर्षीय ललितराज सिंह सुवाल, विराटनगर–७ का ३२ वर्षीय सुनिल अधिकारी, संखुवासभा आँखीभुँइ–८ का केदारबहादुर खड्का, धनकुटाका ३४ वर्षीय नविन दाहाल लगायत छन् ।
सांस्कृतिक, मनोरञ्जनात्मक कार्यक्रमका लागि भन्दै नेपाली दलालहरूले नेपाली युवतीहरूको भिसा मिलाइदिने गर्थे । प्रहरीको दावीअनुसार नेपालका डान्सबारहरूमा काम गर्ने युवतीहरूलाई आकर्षक तलवको प्रलोभनमा पारेर विदेश पु¥याउने गर्थे । त्यस्ता युवतीहरूको आकर्षक पोशाक, मुद्रा र साजसज्जामा मोडल बनाएर फोटो खिचाइन्थ्यो । ति फोटाहरू विदेशमा रहेका दलाललाई पठाएर युवतीहरूको मोलमलाई हुने गरेको प्रहरीले जनाएको छ ।
आकर्षक तलवको प्रलोभनमा परेर विदेश पुग्ने युवतीहरूले तलब नपाउने, बन्दी भएर बस्नु पर्ने, यातना खेप्नु पर्ने जस्ता समस्या यसअघि नै सार्वजनिक भएका थिए ।
पक्राउ परेका अभियुक्तहरूको साथबाट प्रहरीले मोडल बनाएर खिचीएका ६३ वटा फोटाहरु फेला पारेको छ । त्यस्तै २४ वटा पासपोर्ट, १२ वटा नागरिकता आदि फेला पारेको छ । अभियुक्त सविन राजा मानन्धरको घरबाट प्रहरीले ७० लाख ५० हजार प्राप्त गरेको विल बरामद गरेको छ ।
पक्राउ परेका अभियुक्तहरूको साथबाट प्रहरीले मोडल बनाएर खिचीएका ६३ वटा फोटाहरु फेला पारेको छ । त्यस्तै २४ वटा पासपोर्ट, १२ वटा नागरिकता आदि फेला पारेको छ । अभियुक्त सविन राजा मानन्धरको घरबाट प्रहरीले ७० लाख ५० हजार प्राप्त गरेको विल बरामद गरेको छ ।
नेपालबाट सोझै र भारत हुँदै विभिन्न मुलुक पुग्ने प्रक्रिया ।
विदेशी दलाल र नेपाली दलालबीच भएको कनेक्सन् ।
दलालहरुको सञ्जाल र विदेश पु¥याउन नेपाली दलालले युवतीहरुलाई मोडलको रुपमा तयार पारेर खिचीएका तस्बिरहरू ।
source:taja khabar
