अमलेखगञ्जमा बस र ट्रक जुध्यो, पाँच जनाको मृत्यु
बारा, कार्तिक ५ । बाराको अमलेखगञ्जस्थित तीन नम्बर पुलनजिक बस, ट्रक र ट्याङकर एकापसमा ठोक्किँदा पाँच जनाको घटनास्थलमै मृत्यु भएको छ । मृतकको सनाखत हुन सकेको छैन । मृत्यु हुनेमा तीन महिला र दुई पुरुष छन् ।
दुर्घटनामा सबैभन्दा बढी क्षति बसमा परेको छ । ट्रक चालक भने फरार छन् । दुर्घटनामा परेको ना ४ ख १५४४ नम्बरको बस बीरगञ्जबाट हेटौंडा जाँदै थियो भने ना २ ख ८७११ नम्बरको ट्याङ्कर हेटौंडाबाट अमलेखगञ्ज र ना ३ ख ६२८५ नम्बरको ट्रक हेटौंडाबाट बीरगञ्जतर्फ जाँदै थियो ।
